Kalmomi Sannanu wadanda yakamata mu sani Kafi mu fara Koyon Programming.

Bude Sautin Murya Domin Sauraro

• Program
  Programming
  Programmer
  Code
  Coding
  Programming Language
  Web development
  Web developer
  Software development
  Software developer

Program: Idan muka ce Program ko Computer program Yana nufin; Duk Wasu aikace-aikace da suke faruwa acikin Computer.

Programming: shine aikin rubuta code ko yin aiki domin rubuta computer program.

Programmer: shine wanda yake rubuta code ko jerin umarni ga kwamfuta yayin programming.

Code (source code): kalma ce da ake amfani da ita don bayyana rubutu wanda computer programmer yake rubuta shi ta amfani da dokoki da ƙa’idoji na wani programming language.

Coding: Yana nufin yin rubutu ko rubuta harrufa da lambobi da Alamomi (code), Wadda Programmer zai yisu Domin bawa Computer Umarnin Yi ko fitar da Aiki.

Computer language: Yana nufin yaren da kwamfuta take amfani da shi domin fahimtar aikin da aka umarce ta tayi.

Web development: Yana nufin Aikine da Programmer zai yi Domin Samar da Shafukan yanar gizo da Kuma fitar da tsare-tsaren ciki sa.

Web developer: Wanda yake Aiki Samar da Shafukan yanar gizo.

Software development: Wannan Yana nufin Rubutun Coding Domin Samar da Wani Aiki ko fitar da Wani Aiki acikin Computer.

Software developer: Shine Dukkan Mutum Wanda yake Rubuta coding Domin Samar da Aiki ko fitar da Ayyuka a Cikin Computer.

Menene programming?
Programming yana nufin tsarin fasaha don gaya wa kwamfuta ayyukan da za ta yi don magance matsaloli. Kuna iya Fassara Programming a Matsayin shirye-shiryen haɗin gwiwa tsakanin mutum da kwamfutoci, wanda mutane ke ƙirƙirar umarnin domin bawa kwamfuta umrnin Ainki ta Hanyar Amfani da harsunan da take iya saurara (code) Domin Kuwa shi code din ne yaren da kwamfutoci za su iya fahimta. 

Programming yana ba da damar  Aiwatar da abubuwa da yawa a gareta. Ga wasu misalai: 

Lokacin da kake shiga Shafukan yanar gizo don nemo bayanai, kana tuntuɓar mai bada sabis, ko Biyan Kudin ta yanar gizo, progam suna ba ka damar yin hulɗa tare da taimakon Wasu shafin yanar gizon, kamar maɓallan sa hannu ko siyan, fom ɗin tuntuɓar, da menu (Babban Shafin farko na Bayanan Zabin da kake yi.

Programming na iya Bada Dama wa Na’ura ya ba ku damar yin odar abinci, yin ajiyar sabis na Ayyuka, bincikar lafiyar ku, samun damar kafofin watsa labarai, da Samar da bayani cikin sauƙi. 

Programming yana taimaka wa kamfanoni su yi aiki yadda ya kamata ta hanyar software daban-daban don ajiyar fayil da sarrafa kansa da kayan Aiki Mai Saukin fayyace Bayani ta Sutukan muryoyi ko bidiyo don haɗa mutane a duniya. 

Ana yin binciken sararin samaniya ta hanyar Amfani da harsunan Programming Wadda Zamu samu damar Tattara Bayanin Wasu jawabai da Computer ta Bayyana mana, Wacce Dama Anyi Programming din ta ne akan Wannan ka’idar.  

Ta yaya Programming ke Aiki a kwamfuta?

Asalin Mai Rubuta progam (Programmer) yana gaya wa kwamfuta abin da za ta yi ne. Na farko, mai tsara program yana rubuta haruffa, lambobi, da Wasu alamomi ne a Computer. Bayan haka, Compiler yana canza kowane layi na lamba zuwa harshen da kwamfuta za ta iya fahimta. Sannan, kwamfutar ta duba umarnin ta aiwatar da shi, ta yadda za ta aiwatar da wani aiki ko jerin ayyuka. Ayyuka na iya haɗawa da nuna hoto a shafin yanar gizon ko canza Girma, Tsari (font) da sashi na rubutu. 

Yawancin yarukan Programming da ake fara koya a Matakin Farko domin amfani da su

Harsuna suna na  dayawa daban-daban na Programming, Sannan suna ba wa programmer damar rubuta lambar da kwamfuta ke fahimta. A cewar wani bincike na Statista, manyan harsunan shirye-shirye guda biyar da masu deveper ke amfani da su sune: 

JavaScript

HTML

CSS

Python

SQL

INSHA ALLAH Zamu Gabatar da Wadannan Courses din Kyauta a Ajin Mu na Mu Koyi Programming Karkashin Jagorancin Ismail Hussaini Alpholtawy A Makarantar EDUHAUSA.

TELEGRAM COMMUNITY

WHATSAPP COMMUNITY

Kasancewar Wannan Makarantar Manufarta Shine Inganta Rayuwar Matasa, Da ilimantar da Su Muna Bukatar Tallafawar Kungiyoyi da Kuma na Al’uma, Duk Wanda yake da Shirin Tallafawa, Kai tsaye ya Tuntunbi CEO.

Email

WhatsApp

Telegram

Calling

   Bissalam Mun Gode